एसियन क्रिकेट काउन्सिल (एसिसी) को प्रावधानअनुसार प्रिमियर कपको फाइनल पुग्ने दुई टोली र तेस्रो हुने टोलीले इमर्जिङ टिम्स एसिया कपमा स्थान बनाउँछन् । नेपाल दोस्रो पटक यस प्रतियोगिताका लागि छनोट भएको हो ।

नेपाल भने आसन्न संस्करणको सिनियर एसिया कपमा छनोट हुन बाँकी छ । उक्त प्रतियोगितामा स्थान पक्का गर्न नेपालले शनिबार हुने एसिसी प्रिमियर कपको फाइनलमा युएईलाई हराउनुपर्नेछ ।

नेपाल र युएईले आज भएको सेमिफाइनलमा जित निकाल्दै फाइनलमा स्थान सुरक्षित गरेका हुन् । नेपालले ओमानलाई ८७ रनले तथा युएईले हङकङलाई सात विकेटले हराएको हो ।

नेपाल दोस्रो तथा युएई तेस्रो पटक एसिसी प्रिमियर कपको फाइनल खेल्ने तयारीमा छन् ।