काठमाण्डू । बगंलादेशमा जारी साफ यू-२० महिला च्याम्पियनसिपको आफ्नो चौथो खेलमा नेपालले सानदार जित हात पारेको छ । 

आज बसुन्धरा स्पोर्ट्स मैदानमा नेपाली समयअनुसार दिउँसो पौने ३ बजेदेखि सुरु भएको श्रीलंकासँगको खेलमा नेपाल ७-० को फराकिलो अन्तरले विजयी भएको हो ।

प्रतिगिता डबल राउन्ड रोबिन लिगको आधारमा भएकोले नेपालले श्रीलंकासँग यो दोस्रो पटक खेलेको हो । पहिलो खेलमा पनि नेपालले श्रीलंकालाई ७-० ले नै पराजित गरेको थियो ।

नेपालले आफ्नो पहिलो खेलमा गएको शुक्रबार भुटानलाई ६-१ गोलअन्तरले हराएको थियो भने दोस्रो खेलमा बंगलादेशसँग ३-२ गोलअन्तरले पराजित भएको थियो ।

प्रतियोगितामा नेपालको ४ खेलमा ९ अंक भएको छ ।