रे समाचार/काठमाडौं । साताको पहिलो कारोबार दिन आज शेयर शेयर बजारमा दोहोरो अंकको गिरावट आएको छ ।
गत साताभर वृद्धि भएको शेयर बजार मापक नेप्सेलेमा आज भने गिरावट आएको हो । आज नेप्से परिसूचकमा २६.५१ अंकको गिरावट आई २६४९.५२ विन्दुमा झरेको छ । नेप्सेमा गिरावट आए पनि आज कारोबार रकम भने वृद्धि भएको छ । अघिल्लो कारोबार दिन अर्थात् गत बिहीबार ६ अर्ब ६६ करोड २३ लाख बराबरको शेयर कारोबार भएकोमा आज ७ अर्ब ८ करोड ५४ लाख ४९ हजार रुपियाँको शेयर किनबेच भएको छ ।
आज पाँचवटा स्टकको शेयर सकारात्मक सर्किट लेभलमा कारोबार भएको छ । सागर डिष्टिलरी, निफ्रा ग्रिन इनर्जी डिभेन्चर, स्वस्तिक लघुवित्त वित्तीय संस्था, झापा इनर्जी र श्रीनगर एग्रीटेक इन्डष्ट्रीजको शेयर सकारात्मक सर्किट लेभलमा कारोबार भएको हो । एनआइएमबी डिभेन्चरको झन्डै ९ प्रतिशत र जोशी हाइड्रो डेभलपमेन्टको शेयर ७ प्रतिशतभन्दा बढीले घटेको छ ।
कारोबार रकमका आधारमा आज हिमालयन रिइन्स्युरेन्स कम्पनी शीर्ष स्थानमा रहेको छ । सो कम्पनीको २३ करोड ५ लाख रुपैयाँबराबरको शेयर किनबेच भएको छ । यसैगरी, जोशी हाइड्रो डेभलपमेन्टको २१ करोड ८१ लाख रुपैयाँबराबरको शेयर कारोबार भएको छ भने ग्रिन भेन्चर्स लिमिटेडको करिब २१ करोड रुपैयाँको शेयर कारोबार भएको छ । १३ वटा उपसमूहमध्ये आज २ वटा उपसमूहको परिसूचक बढेको छ भने बाँकी सबै उपसमूहको परिसूचक घटेको छ ।
