रमेश हतुवाली/काठमाण्डू । सहकारी जोगाउन व्यवस्थापक र शेयरधनी दुवैको जिम्मेवारी बराबरी हुने सो क्षेत्रका विज्ञहरुले बताएका छन् ।
काठमाण्डू न्यूरोडस्थित चाईना ट्रेड बहुउद्देश्यीय सहकारी संस्थाको १८ औं वार्षिक साधारण सभा तथा सम्मान समारोहमा बोल्नु हुँदै विज्ञहरुले कोरोना महामारीपछि थला परेको विश्व अर्थतन्त्रले नेपालका सहकारीहरु पनि मारमा परेको बताएका हुन् । केही सहकारीहरुमा देखिएका अनियमितता, भ्रष्टाचार र लापरवाहीका कारण सिंगो सहकारी क्षेत्र नै बद्नाम भएको वर्तमान अवस्थामा सहकारी जोगाउन व्यवस्थापक र शेयरधनी दुवैको जिम्मेवारी बराबरी हुने पनि विज्ञहरुको भनाइ छ ।
काठमाण्डूको जमलमा सम्पन्न सो साधारण सभामा बोल्नुहुँदै चाईना ट्रेड बहुउद्देश्यीय सहकारी संस्थाका अध्यक्ष राजेन्द्र कुमार श्रेष्ठले नेपाल र चीनबीचमा व्यापार गर्ने व्यवसायीहरुलाई सस्तो दरमा रिण उपलब्ध गराउने, न्यूरोड क्षेत्रका व्यापारीहरुबीच आर्थिक सहयोग मजबुत पार्ने र संगठीत वित्तिय संस्था मार्फत चीनसँगको व्यापारलाई अझ बढाउने उद्धेश्यले १८ वर्ष अघि चाईना ट्रेड बहुउद्देश्यीय सहकारी संस्थाको स्थापना गरिएको जानकारी दिनुभयो ।
अध्यक्ष श्रेष्ठले रिण लगानी खुम्चीनु, समयमै रिण असुली हुन नसक्नु, विभिन्न कारणहरुले व्यवसायीहरुको कारोवार कमजोर हुनु र धितोमा राखेका सम्पत्तीहरु विक्रि नहुनु सहकारीका प्रमुख चुनौती भएको बताउनु भयो ।
[caption id="attachment_116369" align="alignnone" width="600"]
राजेन्द्र कुमार श्रेष्ठ, अध्यक्ष, चाईना ट्रेड बहुउद्देश्यीय सहकारी संस्था
साधारण सभामा बोल्नुहुँदै कार्यक्रमका प्रमुख अतिथी तथा चाईना ट्रेड बहुउद्देश्यीय सहकारी संस्थाका संस्थापक अध्यक्ष दुर्गा बहादुर श्रेष्ठले चीनसँगको व्यापारलाई आर्थिक रुपमा पनि जोड्नु आवश्यक भएको हुनाले ७५ लाख विउ पूँजीबाट चाईना ट्रेड बहुउद्देश्यीय सहकारी संस्था स्थापना गरिएको जानकारी दिनुभयो ।
विभिन्न कारणहरुले गर्दा विभिन्न सहकारीहरुमा वचतकर्ताले वचत रकम फिर्ता लगिरहेको अवस्थामा पनि चाईना ट्रेड बहुउद्देश्यीय सहकारी संस्थामा सेयरधनी र निक्षेपकर्ताको लगानी बढीरहनु चाईना ट्रेड बहुउद्देश्यीय सहकारी संस्थाको महत्वपूर्ण उपलब्धी भएको बताउनु भयो ।
दुर्गा बहादुर श्रेष्ठ, संस्थापक अध्यक्ष, चाईना ट्रेड बहुउद्देश्यीय सहकारी संस्था
सो साधारण सभामा व्यवस्थापक महेन्द्र प्रसाद भट्टराई, पूर्व कोषाध्यक्ष देवेन्द्र गौतम लगायतका महानुभावहरुले सहकारीको विकासमा व्यवस्थापक र शेयर सदस्यहरुको सक्रिय सहभागीताबाट मात्र सहकारी संस्था लक्ष्यमा पुग्न सक्ने बताउनु भयो । समारोहमा सबैभन्दा धेरै रकम वचत गर्ने वचतकर्ता, नियमित रुपमा वचत गर्ने उत्कृष्ट वचतकर्ता र अग्रज शेयर सदस्यहरुलाई सम्मान गरिएको थियो ।
