पैचिङ । जुलाई ३ तारिख बिहान चिनियाँ नौ सेनाको ‘शान्ति जहाज’ नामक चिकित्सा जहाज चीनको चच्याङ प्रान्तको चौशानको एउटा सैनिक बन्दरगाहबाट प्रस्थान गरेर ‘समन्वय कार्यभार २०२३’ आरम्भ गरेको छ।
यस पटकको कार्यभार योजना अनुसार, ‘शान्ति जहाज’ले क्रमशः किरिबाटी, टोंगा, भानुअतु, सोलोमन टापु, पूर्वी टिमोर गरी यी पाँच मुलुकमा सात दिने चिकित्सा सेवा प्रदान गर्ने छ।
कार्यभार अवधिमा चिकित्सा जहाजले यी पाँच मुलुकका स्थानीय बासिन्दा, त्यहाँ तैनाथ चिनियाँ संस्थाका कर्मचारी र चिनियाँ मूलका प्रवासीलाई निःशुल्क चिकित्सा सेवा प्रदान गर्ने छ।
चिनियाँ नौ सेनाको ‘शान्ति जहाज’ नामक चिकित्सा जहाज चीन आफैले डिजाइन र निर्माण गरेको पहिलो महासागर चिकित्सा जहाज हो। सन् २००८ को डिसेम्बरमा सञ्चालन आएदेखि उक्त चिकित्सा जहाजले प्रशान्त, हिन्द, अटलांटिक महासागरका ४३वटा मुलुक र क्षेत्रमा गएर २ लाख ५० हजार बिरामीलाई सेवा दिएको छ।
