• सुनको मूल्य तोलामा २९ सय रुपैयाँ घट्यो ।
• चाँदीको मूल्य ६० रुपैयाँले घटेर ४ हजार ३९० ।
• आज छापावाल सुन प्रतितोला २ लाख ९१ हजार ९०० ।

काठमाडौँ । स्थानीय बजारमा आज सुनचाँदीको मूल्य घटेको छ । सुनको मूल्य प्रतितोला दुई हजार ९०० रुपैयाँ र चाँदीको मूल्य ६० रुपैयाँले घटेको हो ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला दुई लाख ९१ हजार ९०० रुपैयाँमा कारोबार भइरहेको छ । चाँदीको मूल्य प्रतितोला चार हजार ३९० रुपैयाँ कायम भएको छ ।

गत शुक्रबार छापावाल सुन प्रतितोला दुई लाख ९४ हजार ८०० रुपैयाँ र चाँदी प्रतितोला चार हजार ४५० रुपैयाँमा कारोबार भएको थियो । रासस