- नेप्से ४.८२ अंकले घट्यो ।
- कारोबार रकम बढेर ४ अर्ब ७६ करोड पुग्यो ।
- घलेम्दी हाइड्रोको कारोबार सर्वाधिक ।
रे समाचार/काठमाडौँ । शेयर बजार मापक नेप्से परिसूचकमा आज पनि गिरावट आएको छ । नेप्से परिसूचक आज ४.८२ अंक घटेर २५९८.८९ विन्दुमा झरेको छ ।
नेप्से घटे पनि आज कारोबार रकम भने सामान्य वृद्धि भएको छ । हिजो ४ अर्ब ६५ करोड ४८ लाख बराबरको शेयर कारोबार भएकोमा आज ४ अर्ब ७६ करोड ५१ लाख २७ हजार रुपैयाँ बराबरको शेयर किनबेच भएको छ ।
सिनधु विकास बैंकको शेयरमूल्य आज सर्वाधिक १४.३७ प्रतिशतले बढेको छ । यसैगरी, सयपत्री हाइड्रोपावरको मूल्य ८.४१ प्रतिशतले बढेको छ भने घलेम्दी हाइड्रोपावरको मूल्य ७.३१ प्रतिशतले वृद्धि भएको छ । सानिमा ग्रोथ फन्डको शेयरमूल्य भने आज सर्वाधिक ३.७८ प्रतिशतले घटेको छ ।
कारोबार रकमका आधारमा आज घलेम्दी हाइड्रो शीर्ष स्थानमा रहेको छ । सो कम्पनीको ३९ करोड ४८ लाख रुपैयाँबराबरको शेयर किनबेच भएको छ । यसैगरी, पिपुल्स हाइड्रोपावर कम्पनीको कारोबार रकम साढे २२ करोड रुपैयाँ नाघेको छ भने मञ्जुश्री फाइनान्सको १८ करोड ७२ लाख रुपैयाँको शेयर कारोबार भएको छ । १३ उपसमूहमध्ये आज ३ वटा उपसमूहको परिसूचक बढेको छ भने अन्य उपसमूहहरूको परिसूचक घटेको छ ।
