- नेप्से ९.६२ अंक घटेर २६०३.७१ विन्दुमा ।
- कारोबार रकम घटेर ४ अर्ब ६५ करोडमा सीमित ।
- १३ उपसमूहमध्ये दुईको परिसूचक बढ्यो, ११ घटे ।
रे समाचार/काठमाडौँ । शेयर बजार मापक नेप्से परिसूचकमा आज पनि गिरावट आएको छ । नेप्से परिसूचक आज ९.६२ अंक घटेर २६०३.७१ विन्दुमा झरेको छ ।
नेप्सेसँगै आज कारोबार रकम पनि घटेको छ । हिजो ५ अर्ब ३८ करोड ५७ लाख रुपैयाँ बराबरको शेयर कारोबार भएकोमा आज ४ अर्ब ६५ करोड ४८ लाख ७८ हजार रुपैयाँ बराबरको कारोबार भएको छ ।
आइसीएफसी लिमिटेड डिबेञ्चरको मूल्य आज सर्वाधिक ९.१८ प्रतिशतले बढेको छ । यसैगरी, सयपत्री हाइड्रोपावरको मूल्य ६ प्रतिशत तथा नेपाल एसबिआई बैंक डिबेञ्चरको मूल्य ६ प्रतिशतले बढेको छ ।
सिटिजन्स सुपर ३० म्युच्युअल फन्डको शेयरमूल्य भने आज सर्वाधिक ५.४४ प्रतिशतले घटेको छ ।
कारोबार रकमका आधारमा आज पनि हिमालयन डिष्टिलरी शीर्ष स्थानमा रहेको छ । सो कम्पनीको २२ करोड ९९ लाख रुपैयाँ बराबरको शेयर कारोबार भएको छ । यसैगरी, शिवम् सिमेन्ट्सको १७ करोड ५० लाख रुपैयाँभन्दा बढी तथा सिद्धार्थ बैंकको १६ करोड ५८ लाख रुपैयाँ बराबरको शेयर कारोबार भएको छ ।
आज १३ उपसमूहमध्ये दुई उपसमूहको परिसूचक बढेको छ भने बाँकी ११ उपसमूहको परिसूचक घटेको छ ।
