- नेप्से ११.७७ अंकले बढेर २६२९.८१ विन्दुमा ।
- कारोबार रकम घटेर ५ अर्ब ४४ करोडमा सीमित ।
- नेपाल ल्यूब आयलको शेयर मूल्य १२.४७ प्रतिशतले बढ्यो ।
रे समाचार/काठमाडौँ । साताको अन्तिम कारोबार दिन बिहीबार नेप्से परिसूचक ११ दशमलव ७७ अंकले बढेर २६२९ दशमलव ८१ विन्दुमा पुगेको छ । सूचक बढे पनि कारोबार रकम भने घटेको छ ।
आज ५ अर्ब ४४ करोड ७३ लाख रुपैयाँबराबरमा शेयर खरिदबिक्री भएको छ । अघिल्लो कारोबार दिन बुधबार ६ अर्ब ३५ करोड ६६ लाख ११ हजार रुपैयाँबराबरको शेयर कारोबार भएको थियो ।
शेयर नेपाल ल्यूब आयलको शेयर मूल्य सर्वाधिक १२ दशमलव ४७ प्रतिशतले बढेको छ । सोनापुर मिनरल्स, कुमारी सबल योजना र घोराही सिमेन्टको शेयर मूल्य पनि ७ प्रतिशतभन्दा बढीले बढेको छ । यस्तै, मिड सोलु हाइड्रोपावरको शेयर मूल्य सर्वाधिक ११ दशमलव ५८ प्रतिशतले घटेको छ ।
कारोबार रकमका आधारमा शिवम् सिमेन्ट्स शीर्ष स्थानमा रहेको छ । कम्पनीको ३५ करोड ८१ लाख रुपैयाँबराबरको शेयर कारोबार भएको छ । हिमालयन डिस्टिलरीको ३५ करोड १६ लाख रुपैयाँबराबरको शेयर खरिदबिक्री भएको छ । आज १३ उपसमूहमध्ये १२ उपसमूहको सूचक बढेको छ भने निर्जीवन बीमा उपसमूहको सूचक घटेको छ ।
