• सुनको मूल्य प्रतितोला रु. एक हजार दुई सयले घटेर रु. तीन लाख छ हजार सात सय कायम ।
• चाँदीको मूल्य प्रतितोला रु. ३५ ले घटेर रु. चार हजार सात सय ४५ पुग्यो ।
• अन्तरराष्ट्रिय बजारमा सुन प्रतिऔँस चार हजार चार सय अमेरिकी डलरमा कारोबार ।

रे समाचार/काठमाडौँ । स्थानीय बजारमा आज सुनको मूल्य प्रतितोला रु. एक हजार दुई सयले घटेको छ । नेपाल सुनचाँदी व्यवसायी महासङ्घका अनुसार छापावाल सुन प्रतितोला रु. तीन लाख छ हजार सात सयमा कारोबार भइरहेको छ ।

हिजो एक तोला सुन रु. तीन लाख सात हजार नौ सयमा कारोबार भएको थियो । त्यस्तै, चाँदीको मूल्य पनि प्रतितोला रु. ३५ ले घटेर रु. चार हजार सात सय ४५ कायम भएको छ । हिजो चाँदी प्रतितोला रु. चार हजार सात सय ८० मा कारोबार भएको थियो ।

अन्तरराष्ट्रिय बजारमा सुन प्रतिऔँस चार हजार चार सय अमेरिकी डलर तथा चाँदी प्रतिऔँस करिब ६५ अमेरिकी डलरमा कारोबार भइरहेको छ ।