काठमाडौँ । काठमाडौँ, २२ साउनः स्थानीय बजारमा आज सुनचाँदीको मूल्य सामान्य बढेको छ । नेपाल सुनचाँदी व्यवसायी महासङ्घका अनुसार छापावाल सुनको मूल्य प्रतितोला रु ९०० ले बढेर रु दुई लाख ९६ हजार ९०० पुगेको छ ।

अघिल्लो कारोबार दिन प्रतितोला रु दुई लाख ९६ हजारमा कारोबार भएको सुन आज रु ९०० ले महँगिएको हो । यसैगरी, चाँदीको मूल्य पनि प्रतितोला रु १० ले बढेर रु चार हजार ५८० कायम भएको छ । अघिल्लो दिन चाँदी प्रतितोला रु चार हजार ५७० मा कारोबार भएको थियो ।

अन्तर्राष्ट्रिय बजारमा आज सुन प्रतिऔँस चार हजार २६२ अमेरिकी डलर र चाँदी प्रतिऔँस ५८ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन् ।