• स्थानीय बजारमा आज सुनको मूल्य प्रतितोला ५ हजार ४०० रुपैयाँ र चाँदी ११० रुपैयाँले बढेको छ ।
• छापावाल सुनको मूल्य प्रतितोला २ लाख ९१ हजार रुपैयाँ तथा चाँदीको मूल्य ४ हजार ४८० रुपैयाँ कायम भएको छ ।
• अन्तरराष्ट्रिय बजारमा पनि सुन प्रतिऔँस ४ हजार १३९ अमेरिकी डलरमा कारोबार भइरहेकाले स्थानीय बजारमा यसको प्रभाव देखिएको छ ।

रे समाचार/काठमाडौं । स्थानीय बजारमा आज सुनचाँदीको मूल्य उल्लेख्य रूपमा बढेको छ । नेपाल सुनचाँदी व्यवसायी महासङ्घका अनुसार मंगलबारको तुलनामा आज सुन प्रतितोला ५ हजार ४०० रुपैयाँ र चाँदी ११० रुपैयाँ ले महँगिएको हो ।

आज छापावाल सुनको मूल्य प्रतितोला २ लाख ९१ हजार रुपैयाँ निर्धारण गरिएको छ । त्यसैगरी चाँदीको मूल्य प्रतितोला ४ हजार ४८० रुपैयाँ कायम भएको महासङ्घले जनाएको छ ।

यसअघि मंगलबार छापावाल सुन प्रतितोला २ लाख ८५ हजार ६०० रुपैयाँ र चाँदी ४ हजार ३७० रुपैयाँ मा कारोबार भएको थियो ।

अन्तरराष्ट्रिय बजारमा पनि बहुमूल्य धातुको मूल्य उकालो लागिरहेको छ । अन्तरराष्ट्रिय सञ्चारमाध्यमका अनुसार आज सुन प्रतिऔँस ४ हजार १३९ अमेरिकी डलर र चाँदी ५९ अमेरिकी डलर मा कारोबार भइरहेको छ । स्थानीय बजारमा भएको मूल्यवृद्धि अन्तरराष्ट्रिय बजारको यही प्रवृत्तिसँग जोडिएको मानिएको छ ।