रे समाचार/काठमाडौं । सर्वोच्च अदालतका एकजना अधिकृतले पठाएको अनधिकृत पत्रका आधारमा पक्राउ पर्नुभएका नागरिक उन्मुक्ति पार्टी (नाउपा)का संरक्षक रेशम चौधरी रिहा हुनुभएको छ ।
सर्वोच्च अदालतका कर्मचारीले कारागार कार्यालय डिल्लीबजारलाई पठाएको 'नक्कली पत्र'का आधारमा चौधरी आज दिउँसो राजधानीको प्रज्ञा भवन परिसरबाट पक्राउ पर्नुभएको थियो ।
सर्वोच्च अदालतले अर्को पत्र पठाएर चौधरीलाई रिहा गर्न भनेसँगै उहाँ आज साँझ रिहा हुनुभएको हो । प्रहरीले उहाँलाई दिउँसो १ बजे पक्राउ गरेको थियो । त्यसपछि कारागार पुर्याइएका उहाँलाई साँझ ५:३० बजे डिल्लीबजार कारागारबाट छाडिएको हो ।
अनधिकृत पत्र पठाउने सर्वोच्चका अधिकृत महिमान सिंह विष्टलाई प्रहरीले पक्राउ गरी अनुसन्धान गरिरहेको छ ।
नागरिक उन्मुक्ति र जनमत पार्टीबीच एकता घोषणा हुने भएपछि रेशम प्रज्ञा भवन पुग्नुभएको थियो । चौधरी एकाएक पक्राउ परेसँगै आजका लागि निर्धारित एकता घोषणासभा नै भाँडिएको छ ।
