• सुदूरपश्चिम र कर्णालीबाट मनसुन बाहिरिन सुरु ।
• लुम्बिनी र गण्डकीका पश्चिमी भूभागमा पनि बहिर्गमन ।
• केही दिनमै देशभरबाट मनसुन बाहिरिने सम्भावना ।

काठमाडौँ । यस वर्षको मनसुन आज बिहानदेखि नेपालको सुदूरपश्चिमसहित विभिन्न भूभागबाट बाहिरिन सुरु भएको छ ।

मौसम पूर्वानुमान महाशाखाका अनुसार सुदूरपश्चिम र कर्णाली प्रदेशका साथै लुम्बिनी प्रदेशको पश्चिमी भूभागका धेरै स्थान तथा गण्डकी प्रदेशको पश्चिमी भूभागका थोरै स्थानबाट मनसुन बाहिरिएको हो ।

महाशाखाका अनुसार मनसुनी वायु कमजोर हुँदै गएकाले आगामी केही दिनमा नेपालको बाँकी भूभागबाट पनि मनसुन बाहिरिने सम्भावना रहेको छ ।

महाशाखाले मनसुन बहिर्गमनको प्रक्रिया तथा पश्चिमी वायुको सम्भावित प्रभावबारे नियमित अनुगमन गरिरहेको जनाएको छ । रासस