• बुधबारदेखि नेपालमा वर्षाको गतिविधि बढ्ने ।
• मन्त्रीद्वय श्रेष्ठ र गुरुङद्वारा मौसम विभागमा ब्रिफिङ ।
• प्रणालीको प्रभावबारे नियमित जानकारी गराउने विभागको भनाइ ।

काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठ र गृहमन्त्री सुधन गुरुङले बङ्गालको खाडीमा विकसित भइरहेको न्यूनचापीय प्रणालीबाट नेपालमा पर्न सक्ने प्रभावबारे जानकारी लिनुभएको छ ।

मन्त्रीद्वय आज मौसम विज्ञान विभाग पुगेर बुधबारदेखि देशभर वर्षाको गतिविधि बढ्ने पूर्वानुमान र त्यसबाट पर्न सक्ने प्रभावबारे विभागका अधिकारीसँग ब्रिफिङ लिनुभएको हो ।

मौसम विज्ञान विभागअन्तर्गत मौसम पूर्वानुमान महाशाखाले बङ्गालको खाडीमा विकसित भइरहेको न्यूनचापीय प्रणालीको प्रभावले बुधबारदेखि नेपालमा वर्षाको गतिविधि बढ्न सक्ने जनाएको थियो ।

विभागका अनुसार उक्त प्रणालीको प्रभावले बुधबारदेखि नै नेपालमा पानी पर्ने गतिविधि बढ्न सक्छ । यसबारे विभागले नियमित जानकारी गराउने जनाएको छ ।