- भोटेकोशी बाढीमा ५३८ जनाको शव फेला ।
- ९७७ जना अझै सम्पर्कविहीन ।
- बाढीबाट ७३ जना घाइते भएका छन् ।
काठमाडौँ । रसुवाको भोटेकोशी बाढीबाट प्रभावित विभिन्न जिल्लामा हालसम्म ५३८ जनाको शव फेला परेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणले आज दिउँसो ३ बजेसम्म सार्वजनिक गरेको खोज, उद्धार तथा राहतसम्बन्धी विवरणअनुसार रसुवामा १२, नुवाकोटमा ३७, धादिङमा ३३, गोरखामा ४६, नवलपरासी पूर्वमा १३४, नवलपरासी पश्चिममा २७, तनहुँमा २८ र चितवनमा १२१ जनाको शव फेला परेको छ । गोरखामा फेला परेका मृतकको विवरणमा विभिन्न मानव अङ्गसमेत समावेश गरिएको प्राधिकरणले जनाएको छ ।
प्राधिकरणकी प्रवक्ता शान्ति महतका अनुसार बाढीपछि ९७७ जना सम्पर्कविहीन छन् । सम्पर्कविहीन हुनेमा नेपाल प्रहरीका २८, नेपाली सेनाका ४५, सशस्त्र प्रहरी बल नेपालका १३, भन्सार कार्यालयका १५ र अध्यागमन कार्यालयका चार जना छन् ।
त्यस्तै, रसुवाबाट १६१ र नुवाकोटबाट एक जना सम्पर्कविहीन रहेको विवरण प्राप्त भएको छ । मकवानपुरबाट ६६ जना तथा ५१७ जना विदेशी नागरिक पनि सम्पर्कविहीन रहेको प्राधिकरणले जनाएको छ ।
नेपाल घुम्न आएका विदेशमा बस्ने १२७ जना नेपालीसमेत सम्पर्कविहीन छन् ।
प्राधिकरणका अनुसार बाढीबाट ७३ जना घाइते भएका छन् । घाइतेमध्ये रसुवाका ४३, धादिङका तीन र नुवाकोटका २७ जना रहेका छन् । रासस
-1787810412.png)
