रे समाचार/काठमाण्डू ।  चीनको तिब्बत स्वायत्त क्षेत्रस्थित केरुङ काउन्टीमा हिजो बुधबार आएको भीषण बाढीमा परी ३ जनाको मृुत्यु भएको छ भने ५५८ जना बेपत्ता भएका छन्। बेपत्ताको खोजी तथा उद्धारका लागि ठूलो संख्यामा चिनियाँ जनमुक्ति सेना परिचालन गरिएको छ।

सिन्ह्वा न्यूज एजेन्सीका अनुसार चिनियाँ जनमुक्ति सेनाको पश्चिम थिएटर कमान्डको निर्देशक टोली सैन्य विमानमार्फत आज बिहीबार प्रभावित क्षेत्रतर्फ गएको हो। चिनियाँ सेना र स्थानीय उद्धार टोलीले संयुक्त रूपमा खोज तथा उद्धार अभियान सञ्चालन गरिरहेका छन्। नेपाल चीन सिमामा रहेको तिब्बती भन्सार क्षेत्रमा हिजोको बाढीले ठूलो जनधनको क्षती गरेको थियो ।

बाढीग्रस्त क्षेत्रको अध्यागमन कार्यालयले जारी गरिएको भनिएको सीसीटिभी फुटेजमा सैयौं नागरिक तथा कर्मचारीहरु ज्यान जोगाउन दौडदै गरेको र बाढीले पुरिएको भिडियो देखिएको छ ।