• जेइ सङ्क्रमित ११ जना पुगे ।
• चार महिला र दुई पुरुषको मृत्यु ।
• परीक्षण र स्वास्थ्य अनुगमन बढाइयो ।

भद्रपुर । जापानिज इन्सेफ्लाइटिस (जेइ) सङ्क्रमणबाट झापामा मृत्यु हुनेको सङ्ख्या छ पुगेको छ । मेचीनगर नगरपालिका-८ की ६४ वर्षीया महिलाको गत साता मृत्यु भएपछि जिल्लामा जेइबाट ज्यान गुमाउनेको सङ्ख्या छ पुगेको हो ।

जिल्ला स्वास्थ्य कार्यालयका जनस्वास्थ्य निरीक्षक विश्वनाथ श्रेष्ठका अनुसार जिल्लामा जेइ सङ्क्रमितको सङ्ख्या ११ पुगेको छ । मृत्यु हुनेमा चार महिला र दुई पुरुष रहेका छन् ।

जिल्लाका विभिन्न स्थानमा जेइ परीक्षण बढाउनुका साथै स्वास्थ्यकर्मीको टोलीलाई अनुगमनका लागि निरन्तर परिचालन गरिएको निरीक्षक श्रेष्ठले राससलाई जानकारी दिनुभयो । रासस