हिमाली र उच्च पहाडी भेकमा हिमपात (फोटो फिचर)

बुधबार, माघ १४, २०८२

रे समाचार/काठमाडौं । पश्चिमी न्यून चापीय प्रणालीको प्रभावका कारण आज नेपालको उच्च पहाडी र हिमाली भेगमा हिमपात भएको छ भने पश्चिम नेपालका पहाडी र तराई भूभागमा वर्षा भइरहेको छ । जल तथा मौसम विज्ञान विभागका वरिष्ठ मौसमविद बरुण पौडेलका अनुसार पानी पार्ने बादल छिटोछिटो पूर्वतिर सरिरहेको छ । यो बादलको प्रभावले पूर्वी पहाडी जिल्लाका भूभागसम्मै वर्षा गराउने पूर्वानुमान छ । काठमाडौं उपत्यकामा पनि आज दिउँसो हल्का पानी पर्ने पूर्वानुमान छ ।

हिमपातका कारण उच्च पहाडी र हिमाली भेकको जनजीवन नराम्ररी प्रभावित भएको छ । हिमपातपछि बालीनाली सप्रिने भएकाले किसानहरू भने खुसी भएका छन् ।

डोल्पाको जगदुल्ला गाउँपालिका वडा नं २ काइगाउँमा भएको हिमपात । मङ्गलबार रातिदेखि तल्लो डोल्पाको मध्यम र माथिल्लो डोल्पामा भारी हिमपात हुँदा जनजीवन कष्टकर बनेको छ। तस्बिरः रासस

डोल्पाको जगदुल्ला गाउँपालिका वडा नं २ काइगाउँमा हिउँ परेपछि चौपायालाई न्यानोस्थलतर्फ लगिँदै । मङ्गलबार रातिदेखि तल्लो डोल्पाको मध्यम र माथिल्लो डोल्पामा भारी हिमपात हुँदा जनजीवन कष्टकर बनेको छ। तस्बिरः रासस

मुस्ताङको वारागुङ मुक्तिक्षेत्र-४ कागबेनी बजारमा परेको हिउँ । हिउँ परेपछि जनजीवन प्रभावित भएको छ । तस्बिरः सुन्दरकुमार थकाली/रासस

मुस्ताङको कागबेनी-मुक्तिनाथ सडकमा जमेकाे हिउँ पन्छाउँदै सशस्त्र प्रहरी बलको टोली । तस्बिर : रासस

मुस्ताङको लोमान्थाङ गाउँपालिका-५ स्थित लोमान्थाङमा परेको हिमपात । यहाँ मङ्गलबार रातिदेखि भारी हिमपात हुँदा जनजीवन कष्टकर बनेको छ।तस्बिर : रासस

मनाङमा परेको हिमपात । सदरमुकाम चामे र माथिल्लो भेगमा भारी हिमपात हुँदा जनजीवन कष्टकर बनेको छ। तस्बिरः नवीन लामिछाने/रासस

मनाङमा परेको हिमपात ।सदरमुकाम चामे र माथिल्लो भेगमा भारी हिमपात हुँदा जनजीवन कष्टकर बनेको छ। तस्बिरः रासस

रुकुम पूर्व र बागलुङको सिमानास्थित पातिहाल्नामा भएको हिमपात। हिमपातका करण जनजीवन प्रभावित हुनुका साथै मध्यपहाडी लोकमार्ग अवरुद्धभएको छ । तस्बिरः सर्जना कार्की/रासस

म्याग्दीको धवलागिरि गाउँपालिका-१ गुर्जामा भएको हिमपात । हिउँ परेपछि खेती राम्रो हुने भयो भनी किसान खुसी भएका छन् । तस्बिरः कमल खत्री/रासस

हिमपातपछि सेताम्मे देखिएकाे बैतडीकाे सिगास गाउँपालिका-९ बाटुले टोल आसपासको क्षेत्र । जिल्लाका उच्च भेग सिगास, खोडपे, अनारखोली, ढोल्यामोडमा हिमपात भएको छ । तस्बिर : डम्बर बोहरा / रासस

हिमपातपछि सेताम्मे देखिएकाे बैतडीकाे सिगास गाउँपालिका-९ बाटुले टोल आसपासको क्षेत्र । जिल्लाका उच्च भेग सिगास, खोडपे, अनारखोली, ढोल्यामोडमा हिमपात भएको छ । तस्बिर : रासस

हुम्लामा मङ्गलबार रातिदेखि हिमपात भएपछि बुधबार बिहान हिउँले सेताम्मे देखिएकाे सदरमुकाम सिमकोट आसपासका क्षेत्र । हिमपातसँगै स्थानीयको जनजीवन प्रभावित बनेको छ । तस्बिर : दाने बोहरा / रासस