अबु धाबी, युएई । अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँग जतिसक्दो चाँडो भेट गर्न चाहेको बताउनुभएको छ ।
रुसी नेतालाई भेट्ने विषयमा सोधिएको प्रश्नको जवाफमा ट्रम्पले भन्नुभयो, “वातावरण बनेमा म यहाँबाट टर्कीए जानेछु । जतिसक्दो चाँडो हामी यसलाई व्यवस्था मिलाउने कोशिस गरिरहेका छौँ ।”
तीन वर्षभन्दा बढी समयपछि पहिलो पटक रुस-युक्रेन शान्ति वार्तामा सहभागी हुन आफू टर्कीए जान इच्छुक रहेको ट्रम्पले बताउनुभयो ।
युक्रेनका राष्ट्रपति भोलोदिमिर जेलेन्स्कीले टर्कीको भ्रमण गरे पनि रुसी समकक्षीले आमनेसामने वार्ताका लागि गरेको आह्वान अस्वीकार गरेपछि आफू वार्तामा सहभागी नहुने बताउनुभएको थियो ।
जेलेन्स्कीले पुटिनलाई आफू शान्तिप्रति गम्भीर रहेको प्रमाणित गर्न प्रत्यक्ष वार्ता गर्न चुनौती दिनुभएको थियो ।
पुटिनले सन् २०२२ को फेब्रुअरीमा युक्रेनमा गरेको आक्रमणपछि पहिलो पटक प्रत्यक्ष वार्ताको प्रस्ताव गर्नुभएको थियो तर रुसले निम्न स्तरको प्रतिनिधिमण्डल पठाएको थियो ।
पुटिनलाई भेट्नुको महत्त्वमा ट्रम्पको जोड पूर्व अमेरिकी राष्ट्रपति जो बाइडेनको अडानको ठीक विपरीत छ । उहाँले केवल युक्रेनले मात्र आफ्नो भविष्यको लागि वार्ता गर्नुपर्छ भन्ने कुरामा जोड दिनुभएको थियो । एएफपी
