- एलपी ग्यासको समस्या समाधान गर्ने प्रतिबद्धता ।
- निवर्तमान मन्त्रीसँग छलफल गरेर अघि बढ्ने ।
- आवश्यकताअनुसार सुधारका कार्यक्रम अघि बढाउने ।
रे समाचार/काठमाडौँ । नवनियुक्त उद्योग, वाणिज्य तथा आपूर्तिमन्त्री दीपककुमार साहले खाना पकाउने एलपी ग्यासको बिक्री वितरणमा देखिएको समस्या समाधानमा आफू गम्भीर भएर लाग्ने बताउनुभएको छ ।
राष्ट्रपति भवन शीतल निवासमा आज पद तथा गोपनीयताको शपथ लिएलगत्तै सिंहदरबारस्थित मन्त्रालयमा पदभार ग्रहण गर्ने क्रममा उहाँले पत्रकारसँग जनतालाई आवश्यक मात्रामा ग्यास उपलब्ध गराउन आफूले आवश्यक कदम चाल्ने बताउनुभयो ।
“जनतालाई जति ग्यास आवश्यक छ, त्यति दिनैपर्छ, छलफल गरेर आवश्यक कदम चाल्नेछौँ”, मन्त्री साहले भन्नुभयो ।
निवर्तमान उद्योगमन्त्री गौरीकुमारीसँग छलफल गरेर आफू अघि बढ्ने उल्लेख गर्दै मन्त्री साहले त्यस आधारमा सुधारका कार्यक्रम अघि बढाइने स्पष्ट पार्नुभयो ।
“कुनै काम गर्नुभन्दा अघि विगतमा त्यससम्बन्धमा के-के भइरहेको छ, त्यसको जानकारी लिएर मात्रै अघि बढ्दा नतिजा आउँछ”, मन्त्री साहले भन्नुभयो ।
तत्कालीन मन्त्री गौरीकुमारीले आज पदबाट राजीनामा दिएसँगै प्रधानमन्त्री वालेन्द्र शाहले सांसद साहलाई उद्योगमन्त्रीमा नियुक्त गर्नुभएको हो ।
-1788399316.jpg)
