• कार्की प्रमुख निर्वाचन आयुक्तमा अनुमोदित ।
• वाग्ले र डा सुब्बा निर्वाचन आयुक्तमा अनुमोदित ।
• अब राष्ट्रपतिबाट नियुक्ति हुने ।

रे समाचार/काठमाडौँ । संसदीय सुनुवाइ समितिले प्रमुख निर्वाचन आयुक्तमा मानबहादुर कार्की तथा निर्वाचन आयुक्तहरूमा गुरु वाग्ले र डा राजीव सुब्बाको नाम सर्वसम्मत रूपमा अनुमोदन गरेको छ ।

सिंहदरबारस्थित समितिको आज बसेको बैठकले तीनै जनाको नाम अनुमोदन गरेको समितिका सभापति बोधनारायण श्रेष्ठले जानकारी दिनुभयो ।

संवैधानिक परिषद्को सिफारिसमा संसदीय सुनुवाइबाट अनुमोदन भएपछि प्रमुख निर्वाचन आयुक्त र निर्वाचन आयुक्तलाई राष्ट्रपतिले नियुक्ति गर्ने संवैधानिक व्यवस्था छ ।

संवैधानिक परिषद्को गत असार १९ गते बसेको बैठकले प्रमुख निर्वाचन आयुक्तमा कार्की तथा आयुक्तहरूमा वाग्ले र डा. सुब्बाको नाम सिफारिस गर्ने निर्णय गरेको थियो ।