• राष्ट्रपति पौडेलसँग रास्वपा सभापति रवि लामिछानेको शिष्टाचार भेट ।
• समसामयिक राजनीतिक अवस्था र सुनसरी घटनाबारे छलफल ।
• सर्वदलीय बैठकबारे राष्ट्रपतिलाई जानकारी गराइयो ।

रे समाचार/काठमाडौँ । राष्ट्रपति रामचन्द्र पौडेलसँग राष्ट्रिय स्वतन्त्र पार्टी (रास्वपा)का सभापति रवि लामिछानेले आज राष्ट्रपति भवन शीतलनिवासमा भेटवार्ता गर्नुभएको छ ।

राष्ट्रपतिको सचिवालयका अनुसार भेटका क्रममा सभापति लामिछानेले मुलुकको समसामयिक तथा पछिल्लो राजनीतिक अवस्थाबारे राष्ट्रपतिलाई जानकारी गराउनुका साथै सुनसरी घटनाका विषयमा छलफल गर्न बोलाइएको सर्वदलीय बैठकबारे पनि अवगत गराउनुभएको थियो ।

भेटमा समसामयिक राजनीतिक घटनाक्रम र राष्ट्रिय चासोका विषयमा छलफल भएको राष्ट्रपतिको सचिवालयले जनाएको छ ।