वासिङ्टन । अमेरिकी सेन्ट्रल कमान्ड (सेन्टकम)ले शनिबार उर्जा पूर्वाधार र अन्य सैन्य स्थललाई लक्षित गरी इरान विरुद्ध लगातार सातौं रातसम्म हवाई आक्रमण गरेको दाबी गरेको छ । सेनटमले जारी गरेको विज्ञप्तिमा पछिल्लो आक्रमणले सैन्य पूर्वाधार, निगरानी स्थल, भूमिगत हतियार भण्डारण सुविधा र समुद्री क्षमतालाई लक्षित गरेको उल्लेख गरिएको छ ।

अपरेसनमा लडाकु विमान, ड्रोन, युद्धपोत र अन्य सैन्य सम्पत्ति समावेश भएको बताइएको छ । कमान्डले ५० हजार भन्दा बढी अमेरिकी सैन्य जनशक्ती मध्यपूर्वमा तैनाथ रहेको र घातक आक्रमणको तयारी भई रहेको बताइएको छ । 

सेन्टकमले इरानको इस्लामिक रिभोलुसनरी गार्ड कप्र्स (आइआरजिसी) को दाबीलाई पनि अस्वीकार गरेको छ भने होर्मुजको जलमार्गमा दुई तेल ट्याङ्करमा इरानले कथितरूपमा राखेका खानीमा प्रहार गरेपछि विस्फोट भएको थियो । यसअघि, रातारात आक्रमणको पछिल्लो लहर सुरु गर्ने घोषणा गर्दै  सेन्टकमले अपरेसनको उद्देश्य इरानको सैन्य क्षमतालाई कमजोर पार्नु रहेका बाताएको थियो । रासस/क्युएनए