काठमाडौँं । चीनले जापानी आक्रमणविरुद्धको प्रतिरोध युद्धमा प्राप्त विजयको ८१औँ वर्षगाँठको संघारमा रहेको  छ। प्रत्येक वर्ष सेप्टेम्बर ३ मा मनाइने विजय दिवसका अवसरमा चीनभर विभिन्न स्मृति कार्यक्रम, प्रदर्शनी, शैक्षिक गतिविधि तथा युद्धमा ज्यान गुमाएका वीरहरूको सम्मानमा श्रद्धाञ्जली कार्यक्रम आयोजना गरिन्छ । 

चीनका अनुसार सन् १९३१ को ‘सेप्टेम्बर १८ घटना’बाट सुरु भएको जापानी विस्तारवादविरुद्धको प्रतिरोध सन् १९३७ मा पूर्ण राष्ट्रिय युद्धका रूपमा विकसित भएको थियो। आठ वर्षसम्म चलेको व्यापक युद्ध र समग्र १४ वर्षको प्रतिरोधपछि जापानले दोस्रो विश्वयुद्धको अन्त्यतिर आत्मसमर्पण गरेको थियो। चीनले यस संघर्षलाई विश्वव्यापी फासिवादविरुद्धको युद्धको पूर्वी मोर्चाको महत्वपूर्ण हिस्सा मान्दै आएको छ।

https://www.facebook.com/reel/2215454162542331

इतिहासकारहरूका अनुसार यस युद्धमा करोडौं चिनियाँ नागरिक र सैनिकले ज्यान गुमाएका वा विस्थापित भएका थिए। युद्धका क्रममा  नान्चिङ नरसंहार, चाङ्सा, ताइअर्ज्वाङ लगायतका प्रमुख युद्ध तथा विभिन्न गुरिल्ला अभियानहरूले चीनको प्रतिरोध आन्दोलनलाई सशक्त बनाएका थिए। चीनको कम्युनिस्ट पार्टी, कुओमिन्ताङ  (राष्ट्रिय सरकार) तथा विभिन्न स्थानीय प्रतिरोध समूहहरूले आ-आफ्नो भूमिकामार्फत जापानी सेनाविरुद्ध लडाइँ लडेका थिए।

https://www.facebook.com/reel/1405518684968145

सन् १९४५ अगस्टमा जापानले आत्मसमर्पण स्वीकार गरेपछि चीनमा जापानी सेनाको औपचारिक आत्मसमर्पण समारोह सेप्टेम्बर ९ मा  नान्चिङमा सम्पन्न भएको थियो। त्यसपछि सेप्टेम्बर ३ लाई चीनले जापानमाथिको विजय दिवसका रूपमा राष्ट्रिय स्मृति दिवस बनाएको हो।

https://www.facebook.com/reel/1488938762521971

चीनले यस विजयलाई केवल राष्ट्रिय स्वतन्त्रताको रक्षा मात्र नभई विश्वव्यापी फासिवादविरुद्धको विजयमा आफ्नो ऐतिहासिक योगदानका रूपमा व्याख्या गर्दै आएको छ। सरकारी अभिव्यक्तिहरूमा यो संघर्षले राष्ट्रिय एकता, आत्मनिर्भरता र पुनर्निर्माणको आधार तयार गरेको उल्लेख गरिन्छ। विशेषगरी  इतिहासकारहरूले भने युद्धमा विभिन्न चिनियाँ सैन्य तथा नागरिक शक्तिहरूले महत्वपूर्ण भूमिका खेलेको स्वीकार गर्छन्।

https://www.facebook.com/reel/1036822975453353

विश्लेषकहरूका अनुसार चीनले प्रत्येक वर्ष विजय दिवस मनाउँदै युद्धबाट प्राप्त ऐतिहासिक पाठ, शान्ति, अन्तर्राष्ट्रिय सहयोग तथा फासिवादविरुद्धको साझा संघर्षलाई स्मरण गर्ने सन्देश दिँदै आएको छ।