काठमाडौं ।
प्रदेश एकका मुख्यमन्त्री शेरधन राईले आर्थिक मामिला तथा योजना मन्त्री इन्द्रबहादुर आङबोलाई पदमुक्त गर्नु भएको छ। शनिबार साँझ मुख्य मन्त्री राईले मन्त्री आङबोलाई पद मुक्त गर्नु भएको हो ।
त्र
आङबोको अगुवाइमा मुख्यमन्त्री राईविरुद्ध अविश्वास प्रस्ताव दर्ता गराउन हस्ताक्षर संकलन भइरहेको थियो । पूर्वमाओवादी नेता आङबो नेकपा विवादपछि प्रचण्ड-नेपाल समूहमा हुनुहुन्छ । प्रचण्ड-नेपाल पक्षका सांसदहरुले अविश्वास प्रस्ताव दर्ता गर्नेबारे पटक पटक छलफल गर्दै आएका छन् ।
नेपाल पक्षबाट प्रदेशसभा सदस्य भीम आचार्यको नाम नयाँ मुख्यमन्त्रीका लागि चर्चामा छ । प्रदेश १ को प्रदेशसभामा ९३ सदस्य छन् । नेकपाका ६७, कांग्रेसका २१, जनता समाजवादी पार्टीका ३, राष्ट्रिय प्रजातन्त्र पार्टी र संघीय लोकतान्त्रिक राष्ट्रिय मञ्चका १र१ सदस्य छन् ।
यसैबीच आङ्बोले सामाजिक संजाल फेसबुकमार्फत प्रदेश सरकारको आर्थिक मामिला तथा योजनामन्त्रीको रुपमा २ बर्ष १० महिना काम गर्ने अवसर दिनु भएकोमा मुख्यमन्त्री शेरधन राइलाई धन्यवाद व्यक्त गर्नु भएको छ ।
एक प्रश्नको जवाफमा आङ्बोले मुख्यमन्त्रीले बाटो खोलिदिएकाले अविश्वासको प्रस्ताव दर्ता गर्न सहज भएको र अब आफ्नै अगुवाईमा अविश्वासको प्रस्ताव दर्ता हुने बताउनु भयो ।
प्रदेश १ को प्रदेशसभामा ९३ सदस्य छन् । नेकपाका ६७, कांग्रेसका २१, जनता समाजवादी पार्टीका ३, राष्ट्रिय प्रजातन्त्र पार्टी र संघीय लोकतान्त्रिक राष्ट्रिय मञ्चका १र१ सदस्य छन् ।
नेकपाका ६७ मध्ये पूर्व एमालेका ५१ र पूर्व माओवादीका १६ प्रदेशसभा सदस्य छन् ।
प्रदेश १ को संसदीय दलका नेताको निर्वाचनमा प्रधानमन्त्री केपी ओली पक्षधर मुख्यमन्त्री राई २६ मत प्राप्त गरी विजय हुनुभएको थियो । उहाँका प्रतिस्पर्धी नेपाल पक्षका भीम आचार्यले २४ मत प्राप्त गर्नुभएको थियो। १ मत बदर भएको थियो ।
