काठमाण्डौ, ११ भदौ । नेपालमा पछिल्लो समय बढ्दै गएको इकमर्शलाई व्यवस्थित तथा नियमन गर्नका लागि सरकारले कानून निर्माण गर्ने भएको छ ।
सरकारले यस सम्बन्धि विधेयक बनाउनका लागि उद्योग वाणिज्य तथा आपूर्ति मन्त्रालयलाई सैद्धान्तिक सहमति दिएको हो ।
नेपालमा पछिल्लो समय अनलाइन व्यापारमा ठूलो लगानी भइरहेको छ भने सँगै ठगीका घटनासमेत आइरहेका छन् । यद्यपि, नियमनका लागि एकीकृत कानुन नहुँदा सरकारी निकाय तथा लगानीकर्ता अन्योलमा पर्दै आएका छन् ।
वेबसाइट लगायतका पूर्वाधार बनाएर लगानी गर्नेसँगै फेसबकु तथा इन्स्टाग्रामबाट पनि सामग्रीहरु बिक्री गर्नेहरु पछिल्लो समय बढीहरेका छन्। कानून अभाव भन्दै सरकारले नियमन गर्न सकिरहेको थिएन।
कानून अभावमा सबैभन्दा ठूलो समस्या उपभोक्ता अधिकारमा परिरहेको छ। कुनै पनि उपभोक्ताले किनेको समाग्रीको रिफन्ड तथा अन्य गुणस्तरका कुरामा गुनासो गर्ने तथा गरिहाले पनि कारबाहीबाट उन्मुक्ती हुँदै आएको थियो।